რას გვეუბნება თქვენი პომადის ფერი თქვენ შესახებ?

პომადის ფერს როგორც წესი ვირჩევთ იმის მიხედვით, თუ რა ფერის ტანსაცმელი გვაცვია. თუმცა ახალი გამოკვლევებით დადასტურდა, რომ შემთხვევით შერჩეული პომადის ფერით შესაძლებელია ადამიანის პიროვნული თვისებების გაგება. ჩვეულებრივი მოვლენაა, როდესაც შინდისფერ პომადას ვირჩევთ, თუ მსგავსი ფერის კაბა გვაცვია. თუმცა, როდესაც ამ შემთხვევაში ბუნებრივ ან შიშველ ფერს ვირჩევთ, ამას ჩვენს ხასიათზე ბევრის თქმა შეუძლია.

 ფერი და ხასიათი

თითოეულ ფერს სხვადასხვა თვისება გააჩნია, რაც ყველამ ვიცით. თქვენი საყვარელ ფერი ნაწილობრივ თქვენს ხასიათსაც გამოხატავს. ასევე, თუ რომელიმე ფერი ძალიან არ მოგწონთ, ეს თქვენი აზროვნების სხვა ასპექტზეც მიგვითითებს. 

•  ცნობილია, რომ წითელი ფერის მოყვარული ძლიერი, ენერგიულები და ქარიზმატულები არიან.
•  ლურჯი და თეთრი ფერი კი სიმშვიდეზე მიუთითებს.
•  მწვანე ექსტრავაგანტულობის ფერია და თქვენს ფსიქოლოგიაზე ძალიან ბევრს ამბობს.

პომადა და ხასიათი

პომადას ტუჩების გამოსაკვეთად ვიყენებთ. ეს პირველია, რაც სხვების ყურადღებას იპყრობს. ამიტომაც ქალბატონები ფრთხილად არჩევენ პომადას, რომელიც თავიანთ ხასიათს შეესაბამება.

1. წითელი

თუ გიყვართ წითელი პომადის ტარება, ნიშნავს, რომ თქვენ არ ცდილობთ თქვენი ტუჩების დაფარვას. თქვენ ხართ თავდაჯერებულები და იპყრობთ ყველას ყურადღებას, ვინც კი თქვენს წითელ ტუჩებს დაინახავს. თქვენ ხართ ვნებიანი, სენსუალური, მამაცი და ენერგიული. წითელი ფერი თქვენს ენერგიულ მხარეს წინ წამოწევს.

2. ტკბილი ვარდისფერი

მოვარდისფრო პომადა ყველაზე ხშირად გამოყენებადია და ალბათ არ არსებობს ქალბატონი, ვისაც ვარდისფერი პომადა თავის კოლექციაში არ აქვს.  ეს არის ტკბილი და ქალური ფერი. ახალგაზრდა გოგონებში ეს ყველაზე პოპულარულია, რადგან ისინი სიყვარულით არიან გარშემორტყმული, ადამიანებისა და ცხოვრების სიყვარულით. ვარდისფერი ყოველთვის ასოცირდება საყვარელთან. ბუნებრივია, რომ რბილი ხასიათის ქალბატონებიც ვარდისფერს ატარებენ.

3. გაბედული ყავისფერი და ქლიავისფერი

ეს ფერები უკვე არაა უცხო. მრავალი ქალბატონი „ტოვებს“ საყვარელ წითელ ფერს და ირჩევს ყავისფერს ან ქლიავისფერის მუქ ტონებს. ეს მიუთითებს თავაგადასავლების სიყვარულზე და გამოარჩევს სხვებისგან. ეს ქალბატონები განსხვავებულები არიან და ისეთ გზებს ირჩევენ, რაც სხვებისგან გათელილი არაა. მათ უყვართ გამოწვევა და აქვთ განსაკუთრებული, მისტიური აურა.

4. გოთური შავი

ბოლო ხანებში ამ ფერმა დაიპყრო მრავალი ახალგაზრდა ქალბატონის გული. ისინი ასევე იკეთებენ შავ მანიკურებს და ძალიან გამოიკვეთებიან სხვებისგან. საინტერესოა, რომ შავ პომადას მსგავსი ხასიათის ქალბატონები ატარებენ. ისინი საკმაოდ რთული პიროვნული თვისებების პატრონები არიან. შავი ფერი გამოხატავს მიუწვდომლობას და ხელშეუხებლობას. მართალია, ხანდახან შავი ფერის პომადის მატარებელი ქალბატონი სულაც არაა მიუწვდომელი, მაგრამ მათ მაინც არ უყვართ სხვებში გარევა.

5. გამჭვირვალე, ბუნებრივი

ბუნებრივი ფერის პომადის მატარებელს ქალბატონებს განსაკუთრებული პრეტენზია არ გააჩნიათ. ისინი არიან უბრალოები და უშუალოები. ასევე, ისინი დარწმუნებულები არიან თავში და თავიანთ ბუნებრივ იერში. მათთან შესაძლოა ადვილი, მშვიდი ურთიერთობა.

მქრქალი ფერები თქვენი ხასიათის სიმტკიცეს გამოხატავს, ხოლო პრიალა და ციმციმა პომადა სხვებთან ურთიერთობის სიმარტივესა და სილამაზეს წარმოაჩენს.

ეხლა კი, უბრალოდ გახსენით თქვენი კოსმეტიკის სათავსო და დაითვალეთ, თუ რომელი ფერის პომადა ჭარბობს. იხალისეთ J)

შეარჩიეთ სუნამო მამაკაცებითსვის

„სუნამო ყველაზე სუბიექტური არჩევანია, რასაც ყოველ დღე ატარებ. ერთი სახის სუნამო შეიძლება ძალიან „უხდებოდეს“ ვინმეს, ხოლო შენ საერთოდ არ შეგეფერებოდეს.“ - გვირჩევენ მოდისა და ჩაცმის სპეციალისტები.

როგორ შევარჩიოთ საუკეთესო სუნამო მამაკაცებისთვის, რაც სხვებისგან გამოარჩევს მას?

20-დან 30 წლამდე

ეს არის ახალგაზრდობისა და თავგადასავლების ასაკი. კარგად შერჩეული სუნამო ამის გამოხატვაში დაგეხმარებათ. ახალგაზრდა მამაკაცების მოდური სურნელი უფრო მუქი და ფართოა. სუნამო უნდა იყოს გამძლე, დღისა და ღამის და უნდა შეიცავდეს გრეიფრუტის, ფორთოხლისა და ვერბენას ნოტებს. გაითვალისწინეთ, რომ ახალგაზრდა მამაკაცებს ცხიმიანი კანი აქვთ და სულ ცოტა შესხურება დიდხანს გაძლებს.

სცადეთ სუნამო Creed

30-დან 40 წლამდე

ამ ასაკის მამაკაცი უკვე ზრდასრულია და სუნამოს ეს უნდა შეეტყოს. ამ დროს პირადი გარდირობიც იცვლება. პროფესიონალები გვირჩევენ სხვადასხვა აქტივობისას სხვადასხვა სუნამოს გამოყენებას. ხისებრი სურნელი, ვეტივერისა და ლავანდას ნოტები თქვენს ელეგანტურობას და გემოვნებას უფრო გამოკვეთს. გსურთ სუნამომ დიდხანს გაძლოს? მის დასხმამდე გამოიყენეთ ტანის ლოსიონი სუნის გარეშე, რადგან ლოსიონის შემადგენელი ცხიმი სურნელის ხანგრძლივობას განაპირობებს.

სცადეთ Parfums D'orsay - Le Nomade 

40 წლიდან

ამ ასაკიდან მამაკაცმა უკვე იცის რა მოსწონს და რა არა, უკვე იცის, თუ როგორი კოსტუმი ან ჰალსტუხი უხდება. ასევე უნდა იყოს სუნამოებშიც. ამ დროს ისინი მდიდრულ სურნელს იჩევენ უნიკალური ნოტებით. რატომ? სურნელს ხომ ცხოვრების საუკეთესო დროს ნოსტალგია შეუძლია მოიტანოს. კარგი ამბავი ისაა, რომ ამ ასაკის მამაკაცები თავდაჯერებულები არიან და შეუძლიათ ექსპერიმენტები ჩაატარონ. აირჩიეთ ბერგამოტის, მუშკის ნოტები. გაითვალისწინეთ, რომ ასაკის მომატებასთან ერთად კანს ცხიმოვნება აკლდება და შესაბამისად, სურნელი დიდხანს არ ძლებს. ამიტომაც ხანდახან საჭიროა დილით რამდენიმეს შესხურება, ხოლო საღამოთი ისევ გამეორება.

სცადეთ Baldessarini - Secret Mission

რატომ შევიძინოთ ინტერნეტიდან

ონლაინ შოპინგის დადებითი თვისებები

ინტერნეტმა რევოლუცია მოახდინა ჩვენი შოპინგის გაადვილებისთვის. დღეს ძალიან ბევრი ონლაინ ამჯობინებს ამა თუ იმ ნივთი ყიდვას. და რა არის ის მიზებები, რის გამოც მე ვფიქრობ, რომ ინტერნეტ მაღაზიიდან შეძენა საუკეთესო საშუალებაა?

მოხერხებულობა  

მოსახერხებელი, ადვილად ხელმისაწვდომი – ჩემი აზრით ყველაზე კარგი დახასიათებაა ონლაინ შოპინგისთვის. აბა კიდევ სად შევძლებთ საღამოს კაბის შეძენა ღამის 12 საათზე? არაა საჭირო ელოდო რიგს, სანამ მაღაზიის ასისტენტი დაგეხმარება, რომ გადაიხადო. ინტერნეტში შეგვიძლია ჩვენთვის სასურველი ნივთი სულ რაღაც წუთებში შევიძინოთ, თან ისინი „ღიაა“ 24 საათის განმავლობაში, კვირაში 7 დღე!

უკეთესი ფასები

ჩემთვის მიმზიდველი კიდევ ერთ–ერთი თვისება ონლაინ შოპინგისთვის, ესაა ხელმისაწვდომი და დაბალი ფასები, ასევე განსაკუთრებული შემოთავაზებები, ფასდაკლებები. სილამაზის ონლაინ მაღაზიას – მარწყვინეტს ხშირად აქვს ხოლმე ძალიან კარგი შემოთავაზებები, ხანდახან 70%–მდე ფასდაკლებებიც კი. როგორც წესი ონლაინ მაღაზიებს უფრო იაფად აქვთ ყველაფერი იმიტომ, რომ ისინი არ იხდიან ქირას და სხვა გადასახადებს, რაც პროდუქციის ფასზეც შესაბამისად იმოქმედებს.

მეტი არჩევანი

მრავალფეროვანი არჩევანი, რასაც ონლაინ მაღაზიებში ვხვდებით, განსაცვიფრებელია. როგორც წესი, ერთ ადგილზე თავმოყრილია სხვადასხვა ბრენდის პროდუქცია. შეგვიძლია სულ  მარტივად შევიძინოთ დედამიწის მეორე მხარიდან ისე, რომ ჩვენი ოთახიდან არ გავიდეთ. ძალიან ხშირად ნივთის გამოგზავნა უფასოც კია.

გაგზავნა საჩუქრად

ონლაინ შოპინგი საშუალებას გვაძლევს მარტივად გავუგზავნოთსაჩუქრები მეგობრებსა და ოჯახის წევრებს იმის გაუთვალისწინებლად, ახლოს ცხოვრობენ ჩვენთან თუ არა. თანამედროვე ერაში ვეღარ მოვიბოდიშებთ, რომ საჩუქარი ვერ გავუგზავნეთ მეგობარს დაბადების დღეზე, ან დედას – დედის დღეს, რადგან ეს უკვე პრობლემას აღარ წარმოადგენს.

ნაკლები ხარჯი

ძალიან ხშირად იმ დღეს, როდესაც ჩვენ მაღაზიებში მივდივართ, საკმაოდ ბევრს ვხარჯავთ ისეთ რაღაცეებზე, როგორიცაა გზა, საჭმელი, არასაჭირო ნივთები. ონლაინ შოპინგი ამას უსაფრთხოდ აგვაცილებს თავიდან.

ფასების შედარება

ინტერნეტ მაღაზიების ფასები შეგვიძლია სულ რაღც 5 წუთში შევადაროთ ერთმანეთს ისე, რომ არ გავიდეთ სახლიდან და არ დავიღალოთ იმდენი სიარულით, რაც „ნორმალურ“ მაღაზიებისთვის დაგვჭირდებოდა.

ბევრი ხალხი

თუ თქვენც ჩემნაირი ბრძანდებით, მაშინ ალბათ არ გიყვართ ხალხით გატენილი მაღაზიები. ფესტივალებისა და დიდი ფასდაკლებების დროს თავის ტკივილსაც კი იწვევს. ბევრი ხალხი გვაიძულებს სწრაფად მივიღოთ გადაწყვეტილება. სანამ მაღაზიაში შევალთ კიდევ პარკინგის პრობლემებია...

არასასურველი ნივთების შეძენა

ხანდახან მაღაზიის ასისტენტები ისე მოხერხებულად „შეგვაძენინებენ“ ნივთს, რომელიც იმ წუთას ჩვენთვის საოცნებოდ იხატება, ხოლო სახლში მისვლის შემდეგ ვხვდებით, რომ ეს ფულის ტყუილი ხარჯვა იყო. ონლაინ შოპინგი რა თქმა უნდა ამასაც აგვარიდებს თავიდან.

თქვენ რას ფიქრობთ? შეგიძინიათ ნივთები ინტერნეტში? რას ფიქრობთ, არის თუ არა მოსახერხებელი ტრადიციულ მეთოდთან შედარებით? გთხოვთ მოგვწერეთ კომენტარის სახით.

კანის მოვლა ზამთარში

ზამთარი გვიახლოვდება და ვფიქრობ ეს სტატია დაგეხმარებათ მომზადებულები შეხვდეთ კანის დაცვის მხრივ. ლოყების აწითლების გარდა ზამთრის ცივი დღეები სახის, ხელებისა და ფეხების კანის გამოშრობას იწვევს. ზოგისთვის ეს საკმაოდ დიდი პრობლემა ხდება: კანის აქერცვლა, დასკდომა და ეგზემაც კი შეიძლება განვითარდეს.

ექიმები ამბობენ, რომ კანი გამოშრობას იწყებს წელიწადის იმ დროიდან, როცა ჩვენ ოთახების დათბობას ვიწყებთ. თურმე მნიშვნელობა არა აქვს რითი ვათბობთ: გაზით, შეშით თუ ელექტრო ენერგიით, კანი მაინც შრება!

ქვემოთ მოცემული რჩევები დაგეხმარებათ, რომ შეინარჩუნოთ კანის ტენიანობა და ჯანმრთელობა ზამთრის ცივ თვეებში.

1. ხშირად დაიტენიანეთ კანი

თქვენ შეიძლება უკვე გაქვთ დამატენიანებელი საშუალება, რომელსაც ზაფხულში იყენებდით და საკმაოდ შედეგიანადაც, თუმცა ზამთარში კანს უფრო სათუთი მოვლა სჭირდება. უმჯობესია შეიძინოთ ცხიმზე დამზადებული დამატენიანებელი, ვიდრე წყალზე დამზადებული, რადგან ცხიმი წარმოქმნის კანის დამცავ საფარს და ყველაზე კარგად ინარჩუნებს ტენიანობას (ცნობისთვის: ბევრი "ღამის კრემი" სწორედ რომ ცხიმზეა დამზადებული)

2. გამოიყენეთ მზისგან დამცავი საშუალებები

დიახ, სწორად გაიგეთ! მზისგან დაცვა მხოლოდ ზაფხულში არ გვჭირდება. ზამთრის მზე -- თოვლიან დღეებში განსაკუთრებით -- საკმაოდ აზიანებს კანს. წაისვით ფართო სპექტრის მზისგან დამცავი კრემი სახესა და ხელებზე გარეთ გასვლამდე 30 წუთით ადრე.

ბორგეზეს დამატენიანებელი ხელთათმანი

3. განსაკუთრებით დაიცავით ხელები

ხელის კანი შედარებით თხელია, ვიდრე სხეულის სხვა ნაწილებზე და ასევე, აქვს მცირე რაოდენობის ცხიმის გამომყოფი უჯრედები, რაც ნიშნავს იმას, რომ ხელის დატენიანებას განსაკუთრებული ყურადღება უნდა მივაქციოთ. გარეთ გასვლისას ხელთათმანების ტარება რეკომენდებულია.

4. გამოიყენეთ ჰაერის დამატენიანებელი მოწყობილობა

ცენტალური გათობიბის სისტემები (ასევე ოთახის გამათბობლები) უხვად ამარაგებენ ოთახებს ცხელი, მშრალი ჰაერით. ჰაერის დამატენიანებელი მოწყობილობა კი ტენიანობას მატებს ოთახში და დაიცავს კანს გამოშრობისგან.

5. წაისვით დამატენიანებლები ფეხებზე

მართალია, მენთოლის სურნელოვანი ლოსიონები კარგად გამოიყენება ზაფხულის თვეებში, მაგრამ ზამთარში თქვენს ფეხებს უფრო ძლიერი საშუალებები სჭირდება. შეიძინეთ ლოსიონები, რომელიც შეიცავს გლიცერინს. ასევე, პერიოდულად გამოიყენეთ კანის ამქერცლავი საშუალებები. ეს ხელს შეუწყობს დამატენიანებელი კომპონენტების სწრაფ და ღრმად შეწოვას.

6. არ მიიღოთ ძალიან ცხელი აბაზანა

რა ჯობია ზამთრის ცივი, დამღლელი დღის შემდეგ ცხელ აბაზანაში ჩაწოლას... მაგრამ ინტენსიური ცხელი წყალი კანის ლიპიდურ ბარიეს შლის, რაც ტენიანობის დაკარგვას უწყობს ხელს. ექიმები გვირჩევენ გამოვიყენოთ უბრალოდ თბილი წყალი და თან მცირე ხნით.

რჩევები თმის მოვლისთვის

თმის ჯანმრთელობის შენარჩუნება საკმაოდ ადვილია, თუ გავითვალისწინებთ რამდენიმე საჭირო ეტაპს. თმა პროტეინებისგან შედგება, ამიტომ სწორი კვება და ჰიგიენის დაცვა თმის მოვლის აუცილებელი პირობაა. ამავდროულად, ქვემოთ მოყვანილია 8 რჩევა ლამაზი თმის შესანარჩუნებლად სახლის პირობებში.

დაიბანეთ თავი კარგი ხარისხის შამპუნით

ბევრი ფიქრობს, რომ თავის ძალიან ხშირად დაბანა თმას აშრობს, აცილებს ბუნებრივ ცხიმს და აზიანებს მას. გამოიყენეთ მხოლოდ კარგი ხარისხის შამპუნი მაქსიმუმ ორ დღეში ერთხელ. ზოგი ადამიან კვირაში ორჯერ ამჯობინებს თავის დაბანას.

სცადეთ შამპუნი სულფატებისა და პარაბენის გარეშე. სულფატი ის ქიმიური ნივთიერებებია, რაც შამპუნს აქაფებს. პარაბენი კი თვალებს აღიზიანებს, ხოლო მისი ხანგრძლივად გამოყენება უკვე თვალის პრობლემებს იწვევს. შეეცადეთ შეიძინოთ შამპუნი ბუნებრივი გამწმენდი კომპონენტებით.

გამოიყენეთ მხოლოდ ის შამპუნი, რომელიც შეესაბამება თქვენს თმას:

ხვეულ და უხეშ თმას სჭირდება დამარბილებელი შამპუნი, რომელიც ასევე ალაგებს და ათვინიერებს თმას.

სწორი და ცხიმიანი თმისთვის უნდა იხმაროთ ნაზი შამპუნი ყოველდღიური მოხმარებიბსთვის.

შეღებილი ან ქიმიურად დამუშავებული თმისთვის საუკეთესოა ამინომჟავებით გამდიდრებული შამპუნი, რადგან თქვენს თმებს ამ დროს განსაკუთრებული ყურადღება სჭირდება

მშრალი თმისთვის მხოლოდ გლიცერინითა და კოლაგენით გამდიდრებული შამპუნი გამოიყენეთ

არ დაივარცხნოთ ძალიან ხშირად

საუცხოო თმების პატრონების კიდევ ერთი საიდუმლო იმაშა, რომ ისინი თმას არ ივარცხნიან ძალიან ხშირად. ბევრი ქალბატონი (და ბატონი) უპირატესობას ანიჭებს ბუნებრივი ბოჭკოებით დამზადებულ სავარცხელს და იყენებენ შხაპის შემდეგ, მხოლოდ ერთი ჩამოვარცხნით.

დავარცხნა ხელს უწყობს თმის ფოლიკულებიდან ამოვარცნას, დაყოფილი ბოლოების წარმოქმნას და სკალპის გაღიზიანებას. ძველი თქმულება, რომ თმის 100–ჯერ ჩამოვარცხნა თმის ზრდას იწვევს, მცდარი აღმოჩნდა.

გამოიყენეთ თქვენი თმის ტიპის, სიგრძის და მდგომარეობის შესაბამისი კონდიციონერი

გამოიყენეთ კონდიციონერი თმის ყოველი შამპუნირების შემდეგ, თუმცა ქიმიურად დამუშავებულ და დაზიანებულ თმას უფრო მეტი მოვლა სჭირდება.

ღრმად კონდიცირება რეკომენდებულია კვირაში ერთხელ. შეიძინეთ მხოლოდ კარგი ხარისხის პროდუქცია. მარწყვინეტზე ორიგინალი ბრენდის პროდუქცია იყიდება ფასდაკლებით, თან უფასოდ გზავნიან.

თხელი თმისთვის გამოიყენეთ მცენარეული ზეთის საშუალება შამპუნის წასმამდე. შემდეგ შამპუნის გამოყენებით ჩამოიბანეთ და წაისვით კონდიციონერი თმის ღერის შუა მონაკვეთებიდან ბოლოებამდე. 1–2 წუთის შემდეგ დაიბანეთ.

საშუალო და სქელი თმისთვის შეიძინეთ მსუბუქი კონდიციონერი, დამატენიანებელი ბუნებრივი ჰიდრატორებით. წაისვით თმაზე და 2–3 წუთის შემდეგ ჩამოიბანეთ.

ფრთხილად გამოიყენეთ პროდუქცია ძალიან ბევრი პროტეინით. ამან შეიძლება თქვენი თმა ზედმეტად ცხიმიანი გახადოს. პროტეინები ჯანსაღი თმის აუცილებელი პირობაა, თუმცა უმჯობესია შეიძინოთ კონდიციონერები დაბალანსებული ინგრედიენტებით.

აბურდული თმის დამმორჩილებელი შრატი შეგიძლიათ გამოიყენოთ მცირე რაოდენობით, რადგან მისი ხშირი გამოყენება თმას მოადუნებს და დააზიანებს.

ასევე:

• თმის ბუნებრივად გაშრობა ხელს უწყობს მისი ჯანმრთელობის შენარჩუნებას
• დაყოფილი ბოლოების თავიდან ასაცილებლად თქვენით შეიჭერით თმა, ნახევარი ან ერთი სანტიმეტრით შეჭრა 6–8 კვირაში აგარიდებთ ამ პრობლემას;
• შეეცადეთ ნაკლებად გამოიყენოთ თმის მამოდელირებელი საშუალებები, როგორიცაა თმის დამხვევი მოწყობილობები, თმის უთო;
• იკვებეთ ჯანმრთელად, ყოველ დღე მიიღეთ საჭირო ვიტამინები;
• და ბოლოს: თავი აარიდეთ სტრესს. გარდა სულიერი მდგომარეობისა, ეს ძალიან ცუდად აისახება თმებზეც.

სუნამოები ბიონსესგან

ამ სტატიაში განვიხილავთ ცნობილი პოპ ვარსკვლავის – ბიონსეს გამოშვებულ სუნამოებს.

Heat

სუნამო "ჰით" ბიონსემ 2010 წელს გამოუშვა. იგი სურნელს ასე ახასიათებს:

"შეუდარებელი, მიმზიდველი ძალა. მხოლოდ ერთი შესუნთქვით იგრძნობთ, რომ თქვენში რაღაცამ გამოიღვიძა... გამოაცოცხლებს თქვენს გრძნობებს, აგიჩქარდებათ პულსი, კანი კი გათბება. თავს იგრძნობთ სექსუალურად და ძლიერად. იგრძენით სითბო, შეისხით "ჰით"

მარწყვინეტზე მის შესახებ ასე წერენ:

• მკვეთრი, მაცდუნებელი სუნამო თავაჯერებული ქალბატონებისათვის
• ვნებიანი, თბილი, სენსუალური და გამამხნევებელი
• იხსნება მაგნოლიას, ნეროლის, წითელი ატმის, ცხრატყავას ნექტარით
• შეიცავს ნუშის, წითელი ვანილის ორქიდეას ნოტებს
• მსუბუქად შზავებულია ქარვითა და ტყის მუშკით
• იდეალურია ყველა შემთხვევისათვის

Heat Rush

ბიონსეს "ჰით რაშ"–ის ძალას კანთან შეხებისთანავე იგრძნობთ. იგი გაგხვევთ არაჩვეულებრივ აურაში, რომელიც მოგანიჭებთ მყისიერ, აღმაფრთოვანებელ შეგრძნებებს. სენსუალური, ნათელი სურნელი გამოაცოცხლებს ოთახს ისევე, როგორც ბიონსე თავისი გამოჩენისას.

• ვნების ხილის შერბეტის, სისხლისერი ფორთოხლის, ალუბლის, ყვითელი ვეფხვის ორქიდეას ნოტები
• ტრიალებს მანგოს ყვავილის, ჰიბისკუსის, ტექტონას ტყის, თაფლის ქარვის და მუშკის ნოტების გარშემო

ამავე ხაზით გამოუშვა ბიონსემ "Midnight Heat" ტანის სენსუალური ლოსიონი, რომელიც შეიცავს მაკონდიცირებელ ინგრედიენტებს და ატენიანებს კანს.

Pulse

 ბიონსეს "პალს" სუნამო ყველასგან განსაკუთრებული ენერგიით გამოირჩევა. გამოშვებულია 2011 წელს. იგი უცებ ჩაგწვდებათ და გამაბრუებელ სურნელში გაგხვევთ. ბიონსეს "პალსის" მომხმარებელი ქალბატონის იგნორი ყოვლად შეუძლებელია.  იგი მოგანიჭებთ სენსუალურობის, სიძლიერის შეგრძნებას.

• ზედა ნოტებია მსხალი, ბერგამოტი და ლურჯი კურაკაოს ლიქიორი
• შუა გულის ნოტებია ორქიდეა, პეონი და ჟასმინი
• ქვედა ნოტებია მადაგასკარის ვანილი, მუშკი და ტყე

Pulse NYC

"სექსუალური, შოკისმომგვრელი, ვნებიანი, ტკბილი, გამამხნევებელი" – ასე აღწერენ ბიონსეს სუნამოს "პალს ნიუ იორკ სითი"

ბიონსე ამბობს, რომ "პალს ნიუ იორკ სითის" მატარებელი ქალი მზადაა ყველაფერი დაიპყროს. იგი ხომ ბიონსემ თავისი საყვარელი ქალაქის – ნიუ იორკის საპატივსაცემოდ შექმნა.

როგორ შევარჩიოთ თვალის ლაინერი

თვალის ლაინერი ერთ–ერთი ყველაზე მარტივი და სწრაფი მაკიაჟის პროდუქტია. მართალია, თვალის ლაინერი ერთი შეხედვით უბრალოდ ისმის, თუმცა მისი სწორი გამოყენება განსაზღვრავს სქელ წამწამებს, თვალების ფორმას და საერთოდ, თქვენი სახის სრულ ტრანსფორმაციას. არსებობს მრავალი სახის, ბრენდის, ფერის თვალის ლაინერი და ხანდახან მისი არჩევა გვიჭირს. ამ სტატიაში შეიტყობთ, თუ როგორ შეარჩიოთ თქვენთვის შესაფერისი თვალის ლაინერი!

როგორ შევარჩიოთ თვალის ლაინერის ტიპი?

თქვენი საყვარელი კოსმეტიკური მაღაზიის ვებ გვერდის თვალიერებისას ალბათ ნახავდით უამრავი სახის თვალის ლაინერს, დაწყებული კლასიკური, მარტივად გამოსაყენებელი ფანქრით, დამთავრებული ექსტრა დრამატული გელით ან თხევადი ლაინერით. სწორი არჩევანის გაკეთება შეიძლება რთული იყოს. ჩვენი რჩევები დაგეხმარებათ შეიძინოთ ის თვალის ლაინერი, რომელიც საუკეთესოდ დაგეხმარებათ სასურველი ეფექტის მიღებაში:

• თუ გსურთ ნაზი, ბუნებრივი ხაზი თვალების გარშემო, რომელიც ზედმეტი წვალების გარეშე მიიღება, უმჯობესია შეიძინოთ კლასიკური, ფანქრის ლაინერი. ყურადღება მიაქციეთ, რომ იგი იყოს წყალგამძლე, რათა შეძლოთ მთელი დღის განმავლობაში ლამაზად გამოიყურებოდეთ.
• თუ მოგწონთ დრამატული იერი და მზად ხართ სარკის წინ ივარჯიშოთ საუკესო შედეგის მისაღზევად, მაშინ თქვენ გჭირდებათ თვალის თხევადი ლაინერი. გამოყენება თავიდან შეიძლება გაგიჭირდეთ, მაგრამ რამდენიმე პრაქტიკის შემდეგ, საოცნებო თვალებს მიიღებთ!
• ასევე დრამატული ეფექტის მისაღებად იხმარება ფუნჯით წასასმელი თვალის ლაინერი. მისი დადებითი მხარეა დიდხანს გამძლეობა. ამ სახის ლაინერს ხმარობენ მაკიაჟის ხელოვანები ცნობილი ადამიანებისთვის.

როგორ შევარჩიოთ თვალის ლაინერის ფერი?

საბედნიეროდ თვალის ლაინერის ფერებშიც ძალიან ფართო არჩევანია, მაგრამ სანამ შეიძენდეთ, რამდენიმე ფაქტორი გაითვალისწინეთ:

• გჯერათ, რომ ბუნებრივი, თითქმის შეუმჩნეველი მაკიაჟი თქვენთვისაა შექმნილი? შეარჩიეთ მოკრემისფრო ან ნეიტრალური ყავისფერი ლაინერი.
• თვალების გამოკვეთისთვის, ოდნავ გასამუქებლად აირჩიეთ კლასიკური შავი ან მუქი ყავისფერი თვალის ლაინერი.
• გსურთ, რომ თვალის ლაინერმა უფრო დრამატული ეფექტი შეგიქმნათ და თქვენი მაკიაჟის ძირითადი ფოკუსი იყოს? მაშინ არჩევანი შეაჩერეთ მუქ მეტალისფერ თვალის ლაინერზე.
• თუ გსურთ თქვენი თვალები გამოიყურებოდეს უფრო დიდი, ან აპირებთ საღამოს წვეულებაზე წასვლას, მაშინ თქვენთვის თვალის ლაინერის რბილი ფერები: ვერცხლისფერი და ოქროსფერი ზედგამოჭრილია.

როგორ შევარჩიოთ ლაინერის ფერი ჩვენი თვალის ფერის გათვალისწინებით?

• თუ გაგიმართლათ და ყავისფერი თვალების პატრონი ბრძანდებით, თვალის ლაინერის ნებისმიერი ფერში იდეალურად გამოიყურებით.
• მწვანე თვალებს შავი, ყავისფერი და იისფერი ლაინერი უხდება. თუ სხვა ფერებში ექსპერიმენტი გსურთ, სცადეთ მუქი მწვანე და კრემისფერი!
• ბუნებრივად ცისფერი თვალებისთვის ბრინჯაოსფერსა და ყავისფერს ლაინერს არაფერი შეედრება!   თუ გსურთ თვალის ჩრდილთან ერთად გამოყენება, სცადეთ იისფერი, რუხი, კრემისფერი და ლურჯი. უბრალოდ გაითვალისწინეთ, რომ თვალის ლაინერის ფერი უნდა იყოს თქვენი თვალის ფერზე ერთი ტონით მუქი.
• გაქვთ თაფლისფერი თვალები? გამოიყენეთ ოქროსფერი, ყავისფერი, იისფერი და ბრინჯაოსფერი ლაინერი.
• რუხი თვალები ძალიან იშვიათია, თუმცა მათ განსაკუთრებული, მისტიური სილამაზე აქვთ. გამოკვეთეთ ასეთი თვალები თეთრი, ღია ვარდისფერი ან ღია ფორთოხლისფერი ლაინერით. ასევე შეგიძლიათ სცადოთ შავი ფერის გამოყენება.

და ბოლო რამდენიმე რჩევა ფერებთან დაკავშირებით:

• შავი და ყავისფერი კლასიკური ფერებია, რომლის გამოყენება მოდიდან არასოდეს გადავა. ასე რომ, მათი შეძენა ყოველთვის მოსახერხებელია!
• ნაცრისფერი და ზღვისფერი ლაინერი ყველა თვალებს განსაკუთრებულად გამოკვეთს!
• ციმციმა ვერცხლისფერი თვალის ლაინერი ყოველთვის ახალგაზრდულად ითვლება და თინეიჯერულ ეფექტს ქმნის!
• ბოლო რჩევაა, შეიძინოთ ცნობილი ბრენდის პროდუქცია, რაც უზრუნველყოფს სასურველ ფერს! თვალები ძალიან ძვირფასია, არ გამოიყენოთ იაფფასიანი საშუალებები.

თვალის ლაინერების ძალიან ფართო არჩევანია მარწყვინეტის გვერდზე, თან 100%–ით ორიგინალი ბრენდის პროდუქციაა, უფასო გამოგზავნით. აუცილებლად ეწვიეთ: http://ge.strawberrynet.com

როგორ მოვუაროთ მშრალ კანს

კანში ცხიმის რაოდენობა დამოკიდებულია ასაკზე, ნერვულ სისტემაზე, კვების რეჟიმზე. მშრალი კანი ძალიან გავრცელებული პრობლემაა. ის სკდება იმიტომ რომ ვერ ინარჩუნებს სინოტივეს და არის ძალიან მგრძნობიარე.

1. შეეცადეთ არ დაიბანოთ სახის მშრალი კანი ონკანის წყლით. სახის განახლებისთვის და გამოცოცხლებისთვის იხმარეთ მინერალური წყალი.

2. ყოველ დილით გამოიყენეთ მინერალური წყალი სპრეის სახით.

3. რეგულარულად გაწმინდეთ კანი. 

4. ხშირად დაიბანეთ კანი საპნით და წყლით და არა მხოლოდ მაშინ, როცა გაჭუჭყიანდება. ასევე, რეგულარულად წაისვით კანზე ნატურალური დამცავი ზეთი.

5. არ გამოიყენოთ სარეცხი საპონი კანის გასაწმენდად. თავიდან აირიდეთ სარეცხი საპონი და კანი დაიბანეთ ყოველთვის ფრთხილად. კანზე კარგად შეიზილეთ კრემი, სასარგებლოა, თუ დიდხანს იქნებით სინათლეზე.

6. ბანაობის შემდეგ წაისვით ცოტა რაოდენობის დამატენიანებელი ზეთი. ასევე  ყოველ საღამოს, დაწოლის წინ წაისვით ვიტამინებით სავსე კრემი.

მშრალი კანისთვის უკეთესი იქნება მიიღოთ დიდი რაოდენობით წყალი და ხილი.

მშრალი კანი მხოლოდ გადადუღებული გრილი ან ოთახის ტემპერატურის წყლით უნდა გავუსუფთაოთ. ცივი წყალი იწვევს სისხლძარღვების შევიწროებას, რის შედეგადაც კანი მოშვებული და დანაოჭებული ხდება, ცხელი წყალი კი ფორებსა და სისხლძარღვებს აფართოებს და ასევე ადუნებს კანს.

გინდათ გაგიზიაროთ მშრალი კანის მოვლის თქვენეური მეთოდი? გთხოვთ მოგვწეროთ კომენტარი. ♥